影評:殺手列車

電影宣傳片: https://youtu.be/1hNU0Ufev9w

七月尾行書局時見到伊坂幸太郎本《瓢蟲》再版,仲整咗個畢比特封面,原來荷里活買咗版權嚟拍。

然後第二個星期放假無嘢做,望下有咩戲睇,咁啱見《瓢蟲》改編嘅《殺手列車》上咗,時間又啱啱好,就睇佢吧!

故事大概係講一個黑仔殺手,久休復出,本來只係接個「響新幹線上偷個Gip然後下個站落車」嘅簡單任務,但就莫名奇妙咁捲入幾組殺手之間嘅大混戰⋯⋯

套戲好唔好睇?Brad Pitt就梗係好好睇啦,至於劇情,我係滿意嘅。呢套戲我見響爛番茄嘅評價都相當一般,話套戲劇情失控,另外亦見人鬧個背景係日本但大部分角色都係外國人,甚至final boss都係俄佬一名。咁我就覺得既然係荷里活改編,以歐美人士做主角又無可厚非(否則的話學Netflix咁做金主出錢畀日本人拍哂所有嘢無話唔得嘅,吸引力差一截囉);更加重要嘅位,我覺得係改編嘅Zak Olkewicz改完一大輪之後,我仍然會覺得呢齣係伊坂幸太郎嘅故事,而唔係只得頭十五分鐘係伊坂,之後就編劇自說自話。而失控嘅問題,我反而覺得係趣味,反正導演拍出嚟都有些少佢另一齣勁嘢《Deathpool 2》嘅味道,些少失控先過癮。

總括嚟講作為輕鬆兩個鐘嘅電影我覺得呢齣絕對合格有餘,可以一睇。

Report

What do you think?

發佈留言

2 Comments