七人樂隊影評

七人樂隊

一套睇完之後感得好舒服、好有情懷嘅電影。

電影由七位香港名導演執刀,一人負責拍出一個時代嘅香港故事。

第一個時代係洪金寶。故事圍繞一班年輕人努力練功夫,過程有偷懶、有練習亦都有一齊比師傅罰。故事就係直述呢個故事,冇任何複雜地方。年代應該係195x左右,當時嘅文化就係努力努力,然後攞到機會。亦都係我覺得最純樸嘅香港。

第二個時代由許鞍華導演執導,講述學生、校長以及老師在舊式天台學校嘅生活。個個年代嘅校長、老師同同學之間好接近,老師放工之後會經過見到學生。因為舊式屋村好多學生會係放學之後幫父母手擺檔。故事入面講述同學幾十年之後仍然會約老師同校長出黎聚會,學生成家立室又會打比老師。人同人之間嘅關係好緊密。

第三個故事係一段純真嘅初戀。兩位年輕情侶因為移民而即將分開。故事講述兩個小情侶最後一晚之間嘅交流、傾訴心事以及不捨。

第四個故事亦係同移民有關。97將至,元華個仔亦都要離開。走之前孫女會搬去同爺爺住,兩爺孫之間互相交流,文化互換。大家有大家嘅 不同,但亦會嘗試互相學習。呢種係我最嚮往嘅爺孫關係。 

第五個故事就係香港人精神:投機取巧。幾個後生仔係科網股、沙市、08金融海嘯期間希望搏一鋪發達。點知次次都同幸運之神擦身而過。好多人都係咁,希望一鋪可以爆賺,點知機會次次唔輪到自己。

第六個故事係我最鍾意嘅故事。任達華,一位本地鄉村原居民去左外國生活之後番黎香港。發現香港已經完全唔同晒,黃后碼頭唔見左、舊戲院又冇埋,成個香港都唔再係之前咁。最有趣一個地方,係任達華去問路,答佢嘅人講國語。故事最感動嘅一個地方就係任達華講:無論去到邊,香港都係故鄉。

第七個故事好有趣,唔係任何地方,係一間精神病院、時間係現代。

Report

What do you think?

發佈留言

One Comment

  1. 我反而最唔鍾意林嶺東個故事。任達華個角色設定好奇怪,響中環唔識路嗰part似古代人穿越到現代多啲。
    同埋故事個設定任達華似係大約係六、七十年代移民嗰堆原居民,去咗外國咁多年先返香港,但就以佢好鍾意香港作結,我覺得說服力麻麻。