【最新預告】《飯戲攻心》今個中秋 齊人開飯

一個家,最緊要齊人開餐。深信此道的大佬(黃子華 飾)廚藝麻麻,唯有長期用心靈雞湯式金句「餵大」兩個細佬,但異父異母的二佬(張繼聰 飾)及同父異母的三弟(陳湛文 飾)其實覺得大佬有點老土。幸好大佬請來三弟的廚神級女友(王菀之 飾)為三兄弟包伙食,一家人終於有啖好食,每晚8時的飯局亦令兄弟更添和睦。但隨著二佬女友(鄧麗欣 飾)的加入,飯桌氣氛即時變得燶味十足,皆因二佬女友竟是大佬最念念不忘的前度﹔為免以後餐餐背脊骨落,大佬唯有臨時揾個哎吔女友(林明禎 飾)一齊撐枱腳。從此,每晚6人同枱,味蕾滿足,閒話家常,卻舌尖有伏,總之嗒落就知味道…《逆流大叔》導演陳詠燊笑聲主理,今個中秋約定你齊人開飯啦!

Report

What do you think?

發佈留言